അമ്മയെ കുത്തിപ്പരിക്കേൽപിച്ച മകൻ റിമാൻഡിൽ

അങ്കമാലി: . നായത്തോട് പുതുശ്ശേരി വീട്ടിൽ കിരണിനെയാണ് (27) കോടതി 14 ദിവസത്തേക്ക് റിമാൻഡ് ചെയ്തത്. അമ്മ മേരിയെയാണ് (42) തിങ്കളാഴ്ച പുലർച്ച കുത്തിപ്പരിക്കേൽപിച്ചത്. മദ്യത്തിനടിപ്പെട്ട കിരൺ അമ്മയെ നിരന്തരം ഉപദ്രവിക്കാറുണ്ടത്രെ. കഴിഞ്ഞ ദിവസം ഇരുവരും തമ്മിൽ വഴക്കുണ്ടായി. ഇതോടെയാണ് കുത്തിവീഴ്ത്തിയത്​. ഉടൻ അയൽവാസികളെയും ബന്ധുക്കളെയും അറിയിച്ചെങ്കിലും ആരും തിരിഞ്ഞുനോക്കിയില്ല. തുടർന്ന് കിരൺതന്നെ അങ്കമാലി എൽ.എഫ് ആശുപത്രിയിൽ എത്തിക്കുകയായിരുന്നു. തലയിൽ രക്തം കട്ടപിടിച്ചതായി പരിശോധനയിൽ കണ്ടെത്തിയതോടെ മേരിയെ കോട്ടയം മെഡിക്കൽ കോളജ്​ ആശുപത്രിയിലേക്ക് മാറ്റി. വീട്ടിൽ ഇരുവരും മാത്രമാണ് താമസം. രണ്ട് വർഷം മുമ്പാണ് കിരണിന്‍റെ പിതാവ്​ മരിച്ചത്. നെടുമ്പാശ്ശേരി പൊലീസാണ് പ്രതിയെ അറസ്റ്റ് ചെയ്തത്.