ഹയര്‍ സെക്കന്‍ഡറി റീജനൽ ഓഫിസില്‍ വിജിലന്‍സ് പരിശോധന

കൊച്ചി: ഹയർ സെക്കൻഡറി വിഭാഗം എറണാകുളം റീജനൽ ഡെപ്യൂട്ടി ഡയറക്ടറേറ്റിൽ വിജിലൻസ് സംഘം പരിശോധന നടത്തി. നിയമനത്തിനുള്ള 50 ഫയലിലും അധ്യാപകരുടെ വിവിധ ആവശ്യങ്ങൾക്കായുള്ള 10 ഫയലിലും നടപടി സ്വീകരിച്ചിട്ടില്ലെന്ന് കണ്ടെത്തി. 2018ലെ ഓഡിറ്റ് റിപ്പോർട്ടിലെ പോരായ്മകൾ പരിഹരിക്കാത്തതായും പ്രോവിഡന്‍റ്​ ഫണ്ട് ക്ലോസ് ചെയ്യുന്നതിന് മാർച്ചിൽ നൽകിയ അപേക്ഷ നടപടി സ്വീകരിക്കാതെ മാറ്റിവെച്ചതായും കണ്ടെത്തി. ഓപറേഷന്‍ റെഡ് ടേപ് എന്ന പേരിൽ വിജിലൻസ്‌ വെള്ളിയാഴ്‌ച സംസ്ഥാനമൊട്ടുക്കും പരിശോധന നടത്തിയിരുന്നു.