ആൽഫ പാലിയേറ്റിവ് കെയർ വാർഷികം

പറവൂർ: കൈതാരം ആൽഫ പാലിയേറ്റിവ് കെയറിന്റെ എട്ടാം വാർഷികവും സാന്ത്വന സംഗമവും എറണാകുളം ജനറൽ ആശുപത്രി പാലിയേറ്റിവ് വിഭാഗം ഡോ. അതുൽ ജോസഫ് മാനുവൽ ഉദ്ഘാടനം ചെയ്തു. സുവനീർ പ്രകാശനം ഡോ. സുനിൽ പി. ഇളയിടവും വിദ്യാർഥികളുടെ ന്യൂസ് പേപ്പർ ചലഞ്ച് ഡോ. ജി. മോഹനനും നിർവഹിച്ചു. സാന്ത്വന കണ്ണി പ്രസിഡന്‍റ്​ എം.ബി. സ്യമന്തഭദ്രൻ അധ്യക്ഷത വഹിച്ചു. സെക്രട്ടറി ഒ.എം. ജോബി റിപ്പോർട്ട് അവതരിപ്പിച്ചു. കോട്ടുവള്ളി പഞ്ചായത്ത് പ്രസിഡന്റ് കെ.എസ്. ഷാജി, മെംബർമാരായ ലിൻസി വിൻസന്‍റ്​, സിന്ധു നാരായണൻ കുട്ടി, വി.എച്ച്. ജമാൽ, സാന്ത്വന കണ്ണി ഭാരവാഹികളായ എ.കെ. രഞ്ജൻ, എം.കെ. സക്കീർ ഹുസൈൻ, എൻ.ഇ. സോമസുന്ദരൻ തുടങ്ങിയവർ സംസാരിച്ചു. ഫോട്ടോ EA PVR alpha 1 കൈതാരം എറണാകുളം ജനറൽ ആശുപത്രി പാലിയേറ്റിവ് വിഭാഗം ഡോ. അതുൽ ജോസഫ് മാനുവൽ ഉദ്ഘാടനം ചെയ്യുന്നു