കലോത്സവം ഇന്ന് തുടങ്ങും

പുക്കാട്ടുപടി: വള്ളത്തോൾ സ്മാരക വായനശാലയുടെ നേതൃത്വത്തിൽ സ്വാതന്ത്ര്യ ദിനത്തി‍ൻെറ ഭാഗമായി ബാലവേദി സംഘടിപ്പിക്കുന്ന കലോത്സവം ഞായർ, തിങ്കൾ ദിവസങ്ങളിൽ നടക്കുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. എൽ.പി, യു.പി, ഹൈസ്കൂൾ, ഹയർ സെക്കൻഡറി വിഭാഗങ്ങൾക്കായി നടത്തുന്ന കലോത്സവത്തിൽ ശനിയാഴ്ച നടക്കുന്ന ക്വിസ് മത്സരം ലൈബ്രറി കൗൺസിൽ ജില്ല എക്സിക്യൂട്ടിവ് അംഗം എസ്.എ.എം. കമാൽ ഉദ്ഘാടനം ചെയ്യും. തിങ്കളാഴ്ച നടക്കുന്ന കലോത്സവം കവി ഏങ്ങണ്ടിയൂർ ചന്ദ്രശേഖരൻ ഉദ്ഘാടനം ചെയ്യും. വാർത്തസമ്മേളനത്തിൽ പ്രസിഡന്‍റ്​ ജേക്കബ് സി. മാത്യു, സെക്രട്ടറി കെ.എം. മഹേഷ്, പി.ജി. സജീവൻ, സി.ജി. ദിനേശ്, പി.വി. സുരേന്ദ്രൻ എന്നിവർ പങ്കെടുത്തു.