വെൽഫെയർ പാർട്ടി സമരസംഗമം

ഫോർട്ട്​കൊച്ചി: ഫോർട്ട്​കൊച്ചിയുടെ ഹൃദയഭാഗമായ തിരക്കേറിയ കുന്നുംപുറം കവലയിൽ ഹൈമാസ്റ്റ് ലൈറ്റുകൾ സ്ഥാപിക്കണമെന്ന് ആവശ്യപ്പെട്ട് വെൽഫെയർ പാർട്ടി കൊച്ചി മണ്ഡലം കമ്മിറ്റി നേതൃത്യത്തിൽ സമരസംഗമം സംഘടിപ്പിച്ചു. ജില്ല പ്രസിഡന്‍റ്​ ജ്യോതിവാസ് പറവൂർ സംഗമം ഉദ്ഘാടനം ചെയ്തു. മണ്ഡലം പ്രസിഡന്‍റ്​ കെ.എം. ആഷിഖ് അധ്യക്ഷത വഹിച്ചു. പാർട്ടി ജില്ല ജനറൽ സെക്രട്ടറി കെ.എച്ച്. സദഖത്ത്, യൂനിറ്റ് പ്രസിഡന്‍റ്​ റാഫേൽ സേവ്യർ, ടി.എം. മുഹമ്മദ് ഓട്ടോ ബ്രദേഴ്സ് പ്രസിഡന്‍റ്​ എഡിസൺ, വെൽഫെയർ പാർട്ടി ജില്ല സമിതി അംഗം നസീർ, മണ്ഡലം ജനറൽ സെക്രട്ടറി കബീർ കൊച്ചി, സിറ്റി യൂനിറ്റ് പ്രസിഡന്‍റ്​ സുധീർ ഹസൻ, അനസില എന്നിവർ സംസാരിച്ചു. പ്രദേശത്തെ വ്യാപാരികൾ കടകളിലെ ലൈറ്റുകൾ അണച്ച് സമരസംഗമത്തിന് ഐക്യദാർഢ്യം പ്രഖ്യാപിച്ചു . ചിത്രം: കുന്നുംപുറം കവലയിൽ ഹൈമാസ്റ്റ് ലൈറ്റുകൾ സ്ഥാപിക്കണമെന്ന് ആവശ്യപ്പെട്ട് വെൽഫെയർ പാർട്ടി നടത്തിയ സമരസംഗമം ജില്ല പ്രസിഡന്‍റ്​ ജ്യോതിവാസ് പറവൂർ ഉദ്ഘാടനം ചെയ്യുന്നു