സ്വകാര്യബസ് കാറിലിടിച്ച്​ അപകടം

മട്ടാഞ്ചേരി: അമിത വേഗത്തിൽ സഞ്ചരിച്ച സ്വകാര്യ ബസ് കാറിനെ ഇടിച്ചശേഷം നിർത്താതെ കടന്നുകളഞ്ഞു. കാർ ഓടിച്ചിരുന്ന ദേശാഭിമാനി ലേഖകൻ കുമ്പളങ്ങി പടക്കാറ വീട്ടിൽ പി.സി. അനന്തുവിന് (28) പരിക്കേറ്റു. അനന്തുവിനെ കരുവേലിപ്പടി സർക്കാർ ആശുപത്രിയിൽ പ്രവേശിപ്പിച്ചു. ആലുവ-ഫോർട്ട്​കൊച്ചി റൂട്ടിലോടുന്ന ശിവപാർവതിയെന്ന ബസാണ് അനന്തുവും കുടുംബവും സഞ്ചരിച്ച കാറിൽ ഇടിച്ചത്. സംഭവത്തിൽ അനന്തു തോപ്പുംപടി പൊലീസിന് പരാതി നൽകി.