സിനിമ ഷൂട്ടിങ്​ കേന്ദ്രത്തിലേക്ക് യൂത്ത് കോൺഗ്രസ് മാർച്ച്​

കോലഞ്ചേരി: ശ്രീനിവാസന്‍ നായകനായ കീടം സിനിമയുടെ ലൊക്കേഷനിലേക്ക് യൂത്ത് കോണ്‍ഗ്രസ് പ്രതിഷേധ മാര്‍ച്ച്. ചിത്രീകരണം നടന്ന എറണാകുളം പുത്തന്‍കുരിശ് പള്ളിക്ക് സമീപത്തെ ഗെസ്​റ്റ്​ ഹൗസിലേക്കാണ്​ പ്രവര്‍ത്തകര്‍ മാര്‍ച്ച് സംഘടിപ്പിച്ചത്. റോഡ് കൈയേറിയുള്ള ഷൂട്ടിങ്, സര്‍ക്കാര്‍ ​െഗസ്​റ്റ്​ ഹൗസ് ചിത്രീകരണത്തിന് ഉപയോഗിച്ചു എന്നീ കാരണങ്ങള്‍ പറഞ്ഞായിരുന്നു പ്രതിഷേധം. യു.ഡി.എഫ് ചെയർമാൻ സി.പി. ജോയി ഉദ്ഘാടനം ചെയ്തു. യൂത്ത് കോൺഗ്രസ് നിയോജക മണ്ഡലം പ്രസിഡൻറ്​ പി.എച്ച്. അനൂപ്​ അധ്യക്ഷത വഹിച്ചു. കോൺഗ്രസ് മണ്ഡലം പ്രസിഡൻറ്​ മാരായ വത്സലൻ പിള്ള, വിജു പാലാൽ, ദിലീപ്കുമാർ തുടങ്ങിയവർ പ്രസംഗിച്ചു. ഫോട്ടോ അടിക്കുറിപ്പ്: പുത്തൻകുരിശിലെ സിനിമ ഷൂട്ടിങ്​ കേന്ദ്രത്തിലേക്ക് യൂത്ത് കോൺഗ്രസ് നടത്തിയ പ്രതിഷേധം