പച്ചക്കറിവിത്തുകൾ വിതരണം ചെയ്തു

കോതമംഗലം: പിണ്ടിമന ഗ്രാമപഞ്ചായത്തിലെ ജനകീയാസൂത്രണ പദ്ധതി പ്രകാരം നൂറ് കുടുംബശ്രീ ഗ്രൂപ്പുകൾക്ക് സൗജന്യമായി നൽകുന്ന പച്ചക്കറിവിത്തുകളുടെ വിതരണോദ്ഘാടനം പഞ്ചായത്ത് പ്രസിഡൻറ് ജെസി സാജു നിർവഹിച്ചു. അത്യുൽപാദനശേഷിയുള്ള പയർ, വെണ്ട, ചീര, പാവൽ തുടങ്ങി അഞ്ചിനത്തിൽപെട്ട ആയിരം രൂപയുടെ വിത്തുകളാണ് ഓരോ യൂനിറ്റിനും നൽകുന്നത്. വൈസ് പ്രസിഡൻറ് ജയ്സൺ ദാനിയേൽ അധ്യക്ഷത വഹിച്ചു. സ്ഥിരം സമിതി അധ്യക്ഷരായ സിബി പോൾ, ബേസിൽ എൽദോസ്, മേരി പീറ്റർ മെംബർമാരായ സിജി ആൻറണി, വിത്സൺ കെ. ജോൺ, ലത ഷാജി, കെ.കെ. അരുൺ, ലാലി ജോയി, സി.ഡി.എസ് ചെയർപേഴ്സൻ സരള മോഹനൻ എന്നിവർ സംസാരിച്ചു. കൃഷി ഓഫിസർ ഇ.എം. അനീഫ സ്വാഗതവും കൃഷി അസിസ്​റ്റൻറ്​ വി.കെ. ജിൻസ് നന്ദിയും പറഞ്ഞു.