ജമാഅത്തെ ഇസ്​ലാമി കാമ്പയിൻ ജില്ല പ്രചാരണ ഉദ്ഘാടനം നെല്ലിക്കുഴിയിൽ

കോതമംഗലം: ജമാഅത്തെ ഇസ്​ലാമി സംഘടിപ്പിക്കുന്ന 'ഇസ്​ലാം ആശയസംവാദത്തിൻെറ സൗഹൃദ നാളുകൾ' സംസ്ഥാന കാമ്പയിനിൻെറ ജില്ല തല പ്രചാരണോദ്ഘാടനം തിങ്കളാഴ്ച വൈകീട്ട് നാലിന് നെല്ലിക്കുഴി കെ.ടി.എൽ ഓഡിറ്റോറിയത്തിൽ നടക്കും. സംസ്ഥാന സെക്രട്ടറി അബ്​ദ​ുൽ ഹക്കീം നദ്​വി ഉദ്​ഘാടനം ചെയ്യും. ജില്ല പ്രസിഡൻറ് എം.കെ. അബൂബക്കർ ഫാറുഖി അധ്യക്ഷത വഹിക്കും. വി.എച്ച്. അലിയാർ മൗലവി അൽ ഖാസിമി, കെ.എ. യൂസുഫ് ഉമരി, റഫീഖ ജലീൽ, ഷംസുദ്ദീൻ നദ്​വി, പി.എൻ. നിയാസ്, അബ്​ദുൽ ബാസിത്, ഫാത്തിമ സുഹറ എന്നിവർ സംസാരിക്കും. വാർത്ത സമ്മേളനത്തിൽ എം.എം. ശംസുദ്ധീൻ നദ്‌വി, ഇ.എച്ച്. അബ്​ദുൽ കരീം, മുജീബ് റഹ്മാൻ, അബ്​ദുൽ മജീദ് എന്നിവർ പങ്കെടുത്തു.