വാരപ്പെട്ടിയിൽ വഴിവിളക്കുകൾ തെളിയുന്നില്ല

കോതമംഗലം: വാരപ്പെട്ടി ഗ്രാമപഞ്ചായത്തിൽ മുഴുവൻ വാർഡുകളിലും വഴിവിളക്കുകൾ തെളിയുന്നില്ല. രണ്ടു വർഷത്തിലധികമായി ഇതേ അവസ്ഥയാണുള്ളത്. കഴിഞ്ഞ ഭരണസമിതിയുടെ കാലത്ത് ഇരുട്ടിലായ വഴിവിളക്കുകൾ പുതിയ ഭരണ സമിതി അധികാരത്തിലെത്തി ഒരു വർഷമാകുമ്പോഴും അതേ രീതിയിൽ തുടരുകയാണ്. പുതിയവ സ്ഥാപിക്കുന്നതിനുള്ള പദ്ധതിക്ക്​ അംഗീകാരമായിട്ടുണ്ടെന്ന് അധികാരികൾ പറയുന്നതല്ലാതെ ഇതേവരെ പദ്ധതി നടപ്പാക്കുന്നില്ല. വൈദ്യുതി പോസ്​റ്റുകളിൽ തകരാറിലായി കിടക്കുന്ന വിളക്കുകൾ അറ്റകുറ്റപ്പണി ചെയ്യുകയോ അല്ലെങ്കിൽ പുതിയവ സ്ഥാപിക്കാനോ അധികാരികൾ തയാറാകണമെന്ന് ബി.ജെ.പി പഞ്ചായത്ത് സമിതി ആവശ്യപ്പെട്ടു.