നഗരസഭ ഫുട്ബാൾ ടീം: യോഗ്യതമത്സരം ഈ മാസം അവസാനം

കളമശ്ശേരി: നഗരസഭ ഫുട്ബാൾ ടീം രൂപവത്​കരണത്തിനുള്ള ക്ലബുകളുടെ യോഗം ചേർന്നു. കളമശ്ശേരി ടൗൺ ഹാളിൽ ചേർന്ന യോഗത്തിൽ 24 ക്ലബ് പ്രതിനിധികൾ പങ്കെടുത്തു. പങ്കെടുത്ത മുഴുവൻ ക്ലബുകളെയും ഉൾപ്പെടുത്തി മുനിസിപ്പൽ ടീമിനുവേണ്ടിയുള്ള മികച്ച താരങ്ങളെ തെരഞ്ഞെടുക്കുന്ന യോഗ്യതമത്സരം ഈ മാസം അവസാനത്തോടെ നടത്താൻ തീരുമാനിച്ചു. യോഗ്യത മത്സരത്തിൽനിന്ന്​ മികച്ച പ്രകടനം കാഴ്ചവെക്കുന്ന 20 താരങ്ങളെ ടീമിനായി തെരഞ്ഞെടുക്കും. കൗൺസിലർ ഷാജഹാൻ കടപ്പിള്ളിയുടെ അധ്യക്ഷതയിൽ ചേർന്ന യോഗം ജില്ല പ്ലാനിങ് ബോർഡ് അംഗം ജമാൽ മണക്കാടാൻ ഉദ്ഘാടനം ചെയ്തു. ചെയർപേഴ്സൻ സീമ കണ്ണൻ, എ.കെ. നിഷാദ്, ബിന്ദു മനോഹരൻ, റഫീഖ്​ മരക്കാർ, സലീം പതുവന, പ്രിയ ബാബു, റോസ്മേരി പിയൂസ്, പ്രമോദ് തൃക്കാക്കര എന്നിവർ പങ്കെടുത്തു. വിദ്യാഭ്യാസ കായിക സ്ഥിരം സമിതി അധ്യക്ഷൻ കെ.എച്ച്. സുബൈർ സ്വാഗതവും പി.വി. ഉണ്ണി നന്ദിയും പറഞ്ഞു.