പെൺകുട്ടിയെ കാണാതായ സംഭവത്തിൽ അന്വേഷണം കാര്യക്ഷമമല്ലെന്ന് പരാതി

കോലഞ്ചേരി: മകളെ കാണാതായ സംഭവത്തിൽ പൊലീസ് അന്വേഷണം കാര്യക്ഷമമല്ലെന്ന് പരാതി. പുത്തൻകുരിശ് പന്നിക്കുഴി സ്വദേശി ശ്രീകാന്താണ് ഇക്കാര്യം ചൂണ്ടിക്കാട്ടി മുഖ്യമന്ത്രിക്ക് പരാതി നൽകിയത്. കഴിഞ്ഞ 12ന് ഉച്ചക്ക് ശേഷമാണ് വീട്ടിൽനിന്ന്​ ഇദ്ദേഹത്തി​ൻെറ മകളെ കാണാതായത്. പുത്തൻകുരിശ് പൊലീസിൽ പരാതി നൽകിയെങ്കിലും നാലു ദിവസമായി ഒരു അന്വേഷണ പുരോഗതിയുമില്ലെന്ന് പരാതിയിൽ പറയുന്നു. എക്സ്​റേ ടെക്നീഷൻ കോഴ്സ് കഴിഞ്ഞ് മൂവാറ്റുപുഴയിലെ സ്വകാര്യ ആശുപത്രിയിൽ ട്രെയിനിങ് നടത്തിയിരുന്ന പെൺകുട്ടിയെ കാണാതായതോടെ നിർധന കുടുംബം ദുരിതത്തിലാണെന്നും പരാതിയിൽ ചൂണ്ടിക്കാണിച്ചിട്ടുണ്ട്.