മണല്‍ വാരല്‍ പുനരാരംഭിക്കണം -എല്‍ദോ എബ്രഹാം

മൂവാറ്റുപുഴ: പുഴമണല്‍ വാരല്‍ പുനരാരംഭിക്കണമെന്ന് മുന്‍ എം.എല്‍.എ എല്‍ദോ എബ്രഹാം. 2013ലാണ് ഏറ്റവും ഒടുവില്‍ പുഴ മണല്‍ ശേഖരിച്ചത്. പാറമണലിന് ക്രമാതീതമായി വില ഉയരുകയാണ്. വീട് നിർമിക്കുന്നതു മുതല്‍ വാണിജ്യ സമുച്ചയങ്ങളുടെ പണിക്ക് ഉള്‍പ്പെടെ പാറമണല്‍ മാത്രമാണ് ആശ്രയം. ഇത് ഇഷ്​ടാനുസരണം വില വർധിപ്പിക്കാന്‍ ക്രഷര്‍ ഉടമകളെ പ്രേരിപ്പിക്കുകയാണ്. ഇക്കാര്യത്തില്‍ നടപടികള്‍ സ്വീകരിക്കണമെന്ന്​ ആവശ്യപ്പെട്ട് റവന്യൂ മന്ത്രി കെ. രാജന് നിവേദനം നല്‍കുമെന്നും എല്‍ദോ എബ്രഹാം പറഞ്ഞു.