ഫാം ജലസേചന പദ്ധതിയും കവാടവും ഉദ്ഘാടനം ചെയ്തു

പെരുമ്പാവൂര്‍: ജില്ല പഞ്ചായത്തിന് കീഴിലുള്ള ഒക്കലിലെ സംസ്ഥാന വിത്തുൽപാദന കേന്ദ്രത്തിലെ ഫാം ജലസേചന പദ്ധതിയും പ്രവേശന കവാടവും കൃഷിമന്ത്രി പി. പ്രസാദ് ഉദ്ഘാടനം ചെയ്തു. എല്‍ദോസ് കുന്നപ്പിള്ളി എം.എല്‍.എ അധ്യക്ഷത വഹിച്ചു. ബെന്നി ബഹനാന്‍ എം.പി മുഖ്യാതിഥിയായിരുന്നു. ജില്ല പഞ്ചായത്ത് പ്രസിഡൻറ്​ ഉല്ലാസ് തോമസ്, ബ്ലോക്ക് പഞ്ചായത്ത് പ്രസിഡൻറ്​ ബേസില്‍ പോള്‍, ഗ്രാമപഞ്ചായത്ത് പ്രസിഡൻറ്​ മനോജ് തോട്ടപ്പിള്ളി, ജില്ല പഞ്ചായത്ത് വൈസ് പ്രസിഡൻറ്​ ഷൈനി ജോര്‍ജ്, ആശ സനില്‍, എം.ജെ. ജോമി, റാണിക്കുട്ടി ജോര്‍ജ്, സംസ്ഥാന വിത്തുൽപാദന കേന്ദ്രം സീനിയര്‍ കൃഷി ഓഫിസര്‍ ഫിലിപ് ജി.ടി. കാനാട്ട്, ജില്ല കൃഷി ഓഫിസര്‍ ഷീല പോള്‍ തുടങ്ങിയവര്‍ സംസാരിച്ചു. em pbvr 4 Minister P. Prasad ഒക്കലിലെ സംസ്ഥാന വിത്തുൽപാദന കേന്ദ്രത്തില്‍ ഒരുക്കിയ ഫാം ജലസേചന പദ്ധതിയും പ്രവേശന കവാടവും കൃഷിമന്ത്രി പി. പ്രസാദ് ഉദ്ഘാടനം ചെയ്യുന്നു