പപ്പൻ സ്മാരക വോളിബാൾ ചാമ്പ്യൻഷിപ്

വരാപ്പുഴ: 50ാമത് ജില്ല പുരുഷ വനിത വോളിബാൾ ചാമ്പ്യൻഷിപ് ബുധനാഴ്ച തുടക്കംകുറിക്കും. പപ്പൻ സ്മാരക ഫ്ലഡ്​ലിറ്റ്​ സ്​റ്റേഡിയത്തിൽ നടക്കുന്ന മത്സരം വൈകീട്ട് അഞ്ചിന് വരാപ്പുഴ പഞ്ചായത്ത് പ്രസിഡൻറ്​ കുമാരി കൊച്ചുറാണി ജോസഫ് ഉദ്​ഘാടനം ചെയ്യും. അസോസിയേഷൻ പ്രസിഡൻറ് ടി. ബിജോയ് ബാബു അധ്യക്ഷത വഹിക്കും. വ്യാഴാഴ്ച ഉച്ചക്ക്​ 12ന് വനിത മത്സരങ്ങൾ ആരംഭിക്കും. വൈകീട്ട് പുരുഷവിഭാഗ മത്സരങ്ങളും നടക്കും. വെള്ളിയാഴ്ച ഉച്ചക്ക് രണ്ടിന് സെമി ഫൈനൽ മത്സരങ്ങളും മൂന്നിന് വനിതവിഭാഗം ഫൈനലും തുടർന്ന് പുരുഷ വിഭാഗം ഫൈനലും നടക്കും.