എം.കെ. സാനുവിന്​ ചാവറ പ​ുരസ്​കാര സമർപ്പണം മൂന്നിന്​

കൊച്ചി: എറണാകുളം ചാവറ കൾചറൽ സൻെറർ ഏർപ്പെടുത്തിയ ചാവറ സംസ്​കൃതി പുരസ്​കാരം പ്രഫ. എം.കെ. സാനുവിന്​ ഗവർണർ ആരിഫ്​ മുഹമ്മദ്​ ഖാൻ സമർപ്പിക്കും. 77,777 രൂപയും ബഹുമതിഫലകവും പ്രശംസാപത്രവും അടങ്ങുന്നതാണ്​ പുരസ്​കാരം. ഡിസംബർ മൂന്നിന്​ രാവിലെ 11.30ന്​ എറണാകുളം ടൗൺഹാളിലാണ്​ പുരസ്​കാര വിതരണം​. രാജ്യത്ത്​ ക്രൈസ്​തവധാരയിൽ നൽകുന്ന ഉയർന്ന ബഹുമതിയാണ്​ ഈ പുരസ്​കാരമെന്ന്​ ചാവറ സൻെറർ ഡയറക്​ടർ ഫാ. തോമസ്​ പുതുശ്ശേരി വാർത്തസമ്മേളനത്തിൽ പറഞ്ഞു. പ്രഫ. എം. തോമസ്​ മാത്യു, ഫാ. അനിൽ ഫിലിപ്പ്​, ജോൺസൺ എബ്രഹാം, ടി.എം. എബ്രഹാം എന്നിവർ പ​ങ്കെടുത്തു.