ബൈക്കിൽനിന്ന്​ വീണ് വയോധിക മരിച്ചു

വൈപ്പിന്‍: മകന്‍ ഓടിച്ച ബൈക്കിന് പിന്നിലിരുന്ന് യാത്ര ചെയ്യവേ തെറിച്ചുവീണ വയോധിക മരിച്ചു. ഓച്ചന്തുരുത്ത് വളപ്പ് ബീച്ചില്‍ അറക്കപറമ്പില്‍ പരേതനായ അശോക‍ൻെറ ഭാര്യ ഐഷയാണ്​ (64) മരിച്ചത്. ഞായറാഴ്ച വൈകീട്ട് കൊടുങ്ങല്ലൂരില്‍നിന്ന് വളപ്പിലേക്ക് പോകവേ അഴീക്കോട് ഫെറിക്ക് വടക്കുവശത്തെ ഹംപില്‍വെച്ചാണ് അപകടം. പ്രദേശത്തെ തെരുവുവിളക്ക് പ്രകാശിക്കാത്തതിനാല്‍ ഹംപ്​ ശ്രദ്ധയില്‍പെട്ടില്ല. ബൈക്കില്‍നിന്ന് തെറിച്ചുവീണ ഐഷയെ ഉടന്‍ കൊടുങ്ങല്ലൂരിലെ സ്വകാര്യ ആശുപത്രിയിലും തുടര്‍ന്ന് എറണാകുളം ആസ്​റ്റര്‍ മെഡ് സിറ്റിയിലും പ്രവേശിപ്പിച്ചെങ്കിലും ചൊവ്വാഴ്ച ഉച്ചയോടെ മരിച്ചു. മൃതദേഹം പോസ്​റ്റ്മോര്‍ട്ടത്തിന്​ എറണാകുളം ജനറല്‍ ആശുപത്രിയിലേക്ക് മാറ്റി. മക്കള്‍: ലിജി, ലിനി, ലിജില്‍. മരുമക്കള്‍: ഷിബു, ഷൈജു. സംസ്‌കാരം ബുധനാഴ്ച ഉച്ചയോടെ മുരിക്കുംപാടം പൊതുശ്മശാനത്തില്‍ നടക്കും.