വിമാനത്താവളത്തിലെ ടാക്സിക്കാർക്ക്​ പുതിയ സംഘടന

നെടുമ്പാശ്ശേരി: കൊച്ചി രാജ്യാന്തര വിമാനത്താവളത്തിലെ മുഴുവൻ ടാക്സി ഉടമകളെയും ഡ്രൈവർമാരെയും സംയോജിപ്പിച്ച് അവരുടെയും കുടുംബത്തി​ൻെറയും ക്ഷേമപ്രവർത്തനങ്ങൾക്കായി രൂപവത്​കരിച്ച സ്വതന്ത്ര സംഘടന സിയാൽ ടാക്സി ബെനിഫിഷ്യറീസ് ഓർഗനൈസേഷൻ നിലവിൽ വന്നു. കെ.പി.സി.സി ജന. സെക്രട്ടറി ബി.എ. അബ്​ദുൽ മുത്തലിബ് ഉദ്ഘാടനം ചെയ്തു. സിയാൽ ടാക്സി ഓപറേറ്റേഴ്സ് സൊസൈറ്റി ബോർഡ് അംഗം എൽദോ യോഹന്നാൻ അധ്യക്ഷത വഹിച്ചു. അംഗത്വ വിതരണം നഗരസഭ കൗൺസിലർ ടി.വൈ. ഏലിയാസ് ഉദ്ഘാടനം ചെയ്തു. ബി.ജെ.പി ജില്ല കമ്മിറ്റി അംഗം എം.എൻ. ഗോപി, പി.എ. ഡേവിസ്, സിയാൽ ടാക്സി ഓപറേറ്റേഴ്സ് സൊസൈറ്റി ബോർഡ് അംഗങ്ങളായ ടി.വൈ. എൽദോ, എ.പി. മണി, സിയാൽ ടാക്സി ഓപറേറ്റേഴ്സ് വെൽഫെയർ സൊസൈറ്റി പ്രസിഡൻറ് പി.ജെ. ജോയ്, സെക്രട്ടറി വിനോദ് ചന്ദ്രൻ എന്നിവർ സംസാരിച്ചു.