വിവാഹച്ചടങ്ങില്‍ ആക്രമണം: പ്രതികളില്‍ ഒരാള്‍ കീഴടങ്ങി

മരട്: നെട്ടൂരില്‍ വിവാഹച്ചടങ്ങിനിടെ മകളെ ശല്യം ചെയ്തതു ചോദ്യം ചെയ്ത പിതാവിനെ ആക്രമിച്ച സംഭവത്തില്‍ പ്രതികളില്‍ ഒരാള്‍ കീഴടങ്ങി. നെട്ടൂര്‍ വെളിപറമ്പില്‍ അഫ്‌സലാണ്​ (പൂപ്പായി 23) പനങ്ങാട് പൊലീസ് സ്​റ്റേഷനില്‍ കീഴടങ്ങിയത്. കേസില്‍ രണ്ടാം പ്രതിയാണ് അഫ്‌സല്‍. പ്രതികളെ പിടികൂടാത്തതിൽ പ്രതിഷേധം ശക്തമായിരുന്നു. പ്രതിയെ കോടതിയില്‍ ഹാജരാക്കി റിമാൻഡ്​ ചെയ്തു. ഇയാളുടെ പേരില്‍ പിടിച്ചുപറി, കഞ്ചാവ് കൈവശം സൂക്ഷിക്കല്‍ എന്നിവക്ക്​ പനങ്ങാട് പൊലീസ് സ്​റ്റേഷനില്‍ കേസുകള്‍ നിലവിലുണ്ട്. ഒന്നാം പ്രതി ജിന്‍ഷാദ് ഒളിവിലാണ്. ആകെ മൂന്നു പേരാണ് സംഘത്തിലുണ്ടായിരുന്നതെന്നും മറ്റുള്ളവർക്കായി തിരച്ചില്‍ ഊര്‍ജിതമാക്കിയതായും പൊലീസ് പറഞ്ഞു. നെട്ടൂര്‍ ചക്കാലപ്പാടം റഫീഖിനെയാണ്​ (42) ശനിയാഴ്ച രാത്രി വിവാഹച്ചടങ്ങ് നടക്കുന്ന ഹാളില്‍വെച്ച് പ്രതികള്‍ കത്തികൊണ്ട് കുത്തിപ്പരിക്കേൽപിച്ചത്. പ്രതികളെ അറസ്​റ്റ്​ ചെയ്യാത്തതില്‍ പ്രതിഷേധിച്ച് വിവിധ രാഷ്​ട്രീയ സംഘടനകളുടെ നേതൃത്വത്തില്‍ പ്രതിഷേധപരിപാടികള്‍ നടത്തിയിരുന്നു. EC-TPRA-6 Arrest അഫ്‌സല്‍