നടതുറപ്പ് മഹോത്സവം

കാലടി: കോവിഡ് മാനദണ്ഡങ്ങൾ പാലിച്ചുകൊണ്ട് തിരുവൈരാണിക്കുളം മഹാദേവക്ഷേത്രത്തിൽ ശ്രീപാർവതിദേവിയുടെ നടതുറപ്പ് മഹോത്സവം നടത്താൻ ദേവസ്വം മന്ത്രി കെ. രാധാകൃഷ്ണ​ൻെറ നേതൃത്വത്തിൽ വകുപ്പ് ഉദ്യോഗസ്ഥർ പങ്കെടുത്ത യോഗത്തിൽ തീരുമാനമായി. 19 മുതൽ 30 വരെ നടക്കുന്ന ഉത്സവത്തിൻെറ മുന്നൊരുക്കം വിലയിരുത്തുന്നതിനാണ് യോഗം ചേർന്നത്. സബ് കലക്ടർ പി. വിഷ്ണു രാജ്, എ.ഡി.എം എസ്. ഷാജഹാൻ, ശ്രീമൂലനഗരം ഗ്രാമപഞ്ചായത്ത് പ്രസിഡൻറ് കെ.സി. മാർട്ടിൻ, ക്ഷേത്ര ട്രസ്​റ്റ്​ പ്രസിഡൻറ് അകവൂർ കുഞ്ഞനിയൻ നമ്പൂതിരിപ്പാട്, സെക്രട്ടറി കെ.എ. പ്രസൂൺകുമാർ തുടങ്ങിയവർ പങ്കെടുത്തു.