Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightമൂവാറ്റുപുഴയിലും...

മൂവാറ്റുപുഴയിലും ലഹരിമാഫിയ പിടിമുറുക്കുന്നു

text_fields
bookmark_border
മൂവാറ്റുപുഴ: മേഖലയിൽ ലഹരി മാഫിയ പിടിമുറുക്കുന്നു. ബ്രൗൺഷുഗറും ഹഷീഷും മുതൽ കഞ്ചാവും ഹാൻസും വരെ മേഖലയിൽ സുലഭമാണ്​. നാടുതോറും ജാഗ്രതാ സമിതികളും ആഴ്ചകൾ തോറും ലഹരിവിരുദ്ധ സെമിനാറുകളും നടക്കുന്നുവെങ്കിലും ലഹരിവസ്തുക്കൾ സുലഭമാണ്​. ഇതര സംസ്ഥാന തൊഴിലാളി ക്യാമ്പുകളും ലഹരിയുടെ പിടിയിലാണ്. ആന്ധ്രയിൽനിന്നും ഒഡിഷയിൽ നിന്നുമൊക്കെ യഥേഷ്​ടം കഞ്ചാവ് എത്തുന്നത് ഇതര സംസ്ഥാന തൊഴിലാളികളിലൂടെയാണെങ്കിൽ തേനി, കമ്പം എന്നിവിടങ്ങളിൽനിന്ന്​ തൊടുപുഴ വഴി മൂവാറ്റുപുഴയിലേക്കും പിന്നീട് എറണാകുളത്തേക്കും കഞ്ചാവ്​ കടത്തുന്നു. ഇവരുടെ ക്യാരിയർമാരായി വിദ്യാർഥികളും സജീവമാണ്. ബംഗളൂരുവില്‍നിന്നും തമിഴ് നാട്ടില്‍ നിന്നുമൊക്കെ എത്തുന്ന ലഹരി കലര്‍ന്ന പുകയില ഉല്‍പന്നങ്ങളുടെയും പ്രധാന വ്യാപാര വിതരണ കേന്ദ്രവും മൂവാറ്റുപുഴയാണ്. വന്‍ തോതില്‍ പുകയില ഉല്‍പന്നങ്ങള്‍ എത്തിച്ച് വിതരണം ചെയ്യുന്ന മൂവാറ്റുപുഴയിലെ വ്യാപാരി നാലു തവണയാണ് സമീപ കാലത്ത് പിടിക്കപ്പെട്ടത്. ചാക്കുകണക്കിന് പുകയില ഉല്‍പന്നങ്ങളും പിടിച്ചെടുത്തു. തൊട്ടടുത്ത ദിവസം തന്നെ ഇയാള്‍ ജാമ്യത്തിലിറങ്ങുകയും വ്യാപാരം പഴയതിലും ഊര്‍ജിതമാക്കുകയും ചെയ്തു‌.
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

Next Story