വിദ്യാർഥിനിയെ അപമാനിച്ച യുവാവ് പിടിയിൽ

മൂവാറ്റുപുഴ: സ്കൂളിൽ പോയ വിദ്യാർഥിനിയെ സ്കൂട്ടറിൽ എത്തി അപമാനിച്ചയാളെ മൂവാറ്റുപുഴ പൊലീസ് അറസ്​റ്റ്​ ചെയ്തു. മുളവൂർ ഈസ്​റ്റ്​വാഴപ്പിള്ളി നിരപ്പ് ഭാഗത്ത്‌ വാരിക്കാട്ട് പുതിശ്ശേരിക്കൽ വീട്ടിൽ ഷാനിയെയാണ് (26) പോക്സോ കേസിൽ അറസ്​റ്റ്​ ചെയ്തത്. നഗരത്തിലെ മീൻസ്​റ്റാൾ ഉടമയായ ഇയാൾ അതിരാവിലെ സ്കൂളിൽ പോകുന്ന വിദ്യാർഥിനികളോട് മോശമായി പെരുമാറുന്നതായി പരാതി ലഭിച്ചിരുന്നു. സമീപത്തെ സി.സി.ടി.വി. ദൃശ്യങ്ങൾ പരിശോധിച്ച്​ പ്രതിയെ പിടികൂടുകയായിരുന്നു. അന്വേഷണസംഘത്തിൽ ഇൻസ്പെക്ടർ സി.ജെ. മാർട്ടിൻ, എസ്. ഐ ആർ. അനിൽകുമാർ, എ.എസ്.ഐ സി.എസ്. അലി, സി.പി.ഒ ദിലീഷ് എന്നിവർ ഉണ്ടായിരുന്നു. ചിത്രം. ഷാനി Em Mvpa 7 Shani