ലോറി മറിഞ്ഞ് അന്തർ സംസ്ഥാന തൊഴിലാളി മരിച്ചു

ലോറി മറിഞ്ഞ് അന്തർ സംസ്ഥാന തൊഴിലാളി മരിച്ചു റാന്നി: ഇടമുറി പാലത്തിനുസമീപം ടിപ്പര്‍ ലോറി തോട്ടിലേക്ക് മറിഞ്ഞ് അന്തർ സംസ്ഥാന തൊഴിലാളി മരിച്ചു. പശ്ചിമ ബംഗാള്‍ സ്വദേശി സുബാഷ് ബര്‍മ‍​ൻെറ മകന്‍ രത്തന്‍ ബര്‍മനാണ്​ (19) മരിച്ചത്. ഇരുകാലിനും ഗുരുതര പരി​േക്കറ്റ വെസ്​റ്റ്​ ബംഗാള്‍ സ്വദേശി സദിയാല്‍ റഹ്​മാ​ൻെറ മകന്‍ നൂറുല്‍ അമീന്‍ അജാതിനെ (24) കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ഡ്രൈവര്‍ കുടമുരുട്ടി ഉന്നത്താനി സ്വദേശി കെ. ജഗദീശന്‍ പരിക്കേല്‍ക്കാതെ രക്ഷപ്പെട്ടു. ബുധനാഴ്ച രാവിലെ ഏഴരയോടെയാണ് സംഭവം. ഇടമുറി പാലം-ഇരപ്പന്‍പാറ-ശാസ്താംകണ്ടം റോഡില്‍ വീടു നിര്‍മാണത്തിന് സിമൻറ്​ കട്ടയുമായെത്തിയ ടിപ്പര്‍ ലോറി വശം ഇടിഞ്ഞ് തോട്ടിലേക്ക് പതിക്കുകയായിരുന്നു. അത്തിക്കയം ശബരി കട്ട കമ്പനിയുടെ ലോറിയും ജീവനക്കാരുമാണ് അപകടത്തില്‍പെട്ടത്. റാന്നി പൊലീസി​ൻെറയും അഗ്​നിരക്ഷാസേനയു​െടയും നാട്ടുകാരു​െടയും നേതൃത്വത്തില്‍ ലോറി ഉയര്‍ത്തിയാണ് നൂറുല്‍ അമീന്‍ അജാതിനെ പുറത്തെടുത്തത്. Ptl rni_1accident (24)