ക്രിസ്മസ് മത്സരങ്ങളിൽ പ​ങ്കെടുക്കുന്നവർക്ക്​ മെട്രോയിൽ സൗജന്യ യാത്ര

കൊച്ചി: മെട്രോയുടെ ക്രിസ്മസ് മത്സരങ്ങൾക്ക്​ ഇന്ന്​ തുടക്കം. 14 ദിവസത്തെ ക്രിസ്മസ്- പുതുവത്സര പരിപാടിയായ 'കൊച്ചി മെട്രോ ഫ്രോസ്​റ്റി ഫെസ്​റ്റ്​ -2021'ൻെറ ഭാഗമായി ക്രിസ്മസ് സ്​റ്റാർ നിർമാണം, കരോൾ ഗാനം, പുൽകൂട് നിർമാണം, ക്രിസ്മസ് ട്രീ അലങ്കാരം, സാൻറാ ക്ലോസ് ഫാൻസി ഡ്രസ്​, കേക്ക് നിർമാണം തുടങ്ങി നിരവധി മത്സരങ്ങളാണ് കൊച്ചി മെട്രോ സ്​റ്റേഷനുകളിൽ ഒരുക്കിയിരിക്കുന്നത്. മത്സരത്തിൽ പങ്കെടുക്കാൻ എത്തുന്നവർക്കും ഒപ്പം യാത്ര ചെയ്യുന്ന ആൾക്കും മത്സരം നടക്കുന്ന സ്​റ്റേഷനിലേക്കും തിരിച്ചുമുള്ള യാത്രയും സൗജന്യമാണ്. മത്സരങ്ങളിൽ വിജയിക്കുന്നവർക്ക് ജനുവരി ആദ്യ ആഴ്​ച സമ്മാനങ്ങൾ നൽകും. കൂടുതൽ വിവരങ്ങൾ അറിയുന്നതിനും മത്സരങ്ങൾക്ക് രജിസ്​റ്റർ ചെയ്യുന്നതിനും http://www.kochimetro.org വെബ്സൈറ്റ് സന്ദർശിക്കുക.