വേമ്പനാട്ടുകായൽ കീഴടക്കാൻ ജുവൽ മറിയം

കോതമംഗലം: വേമ്പനാട്ടുകായൽ കീഴടക്കാൻ കോതമംഗലത്തുനിന്ന്​ കൊച്ചുമിടുക്കി എത്തുന്നു. ജനുവരി എട്ടിന്​ കായലിൽ ആലപ്പുഴ ജില്ലയിലെ ചേർത്തല തവണക്കടവിൽനിന്ന് കോട്ടയം ജില്ലയിലെ വൈക്കം കോലോത്തുങ്കടവ് മാർക്കറ്റ് വരെ നാല് കി.മീ. നീന്തിക്കടന്ന്​ റെക്കോഡ്​ സ്ഥാപിക്കുകയാണ്​ ലക്ഷ്യം. ഏറ്റവും പ്രായം കുറഞ്ഞ പെൺകുട്ടിയെന്ന ഗിന്നസ് റെക്കോഡാണ്​ ജുവൽ മറിയം ബേസിലി​ൻെറ (ഏഴ്​) സ്വപ്​നം. കറുകടം കൊടക്കപ്പറമ്പിൽ ബേസിൽ കെ. വർഗീസി​ൻെറയും അഞ്ജലിയുടെയും രണ്ടാമത്തെ മകളാണ് ജുവൽ. ആദ്യമായാണ് ഇത്രയും പ്രായം കുറഞ്ഞ പെൺകുട്ടി നാലുകിലോമീറ്ററോളം ആഴമേറിയ കായൽ നീന്തിക്കടക്കുന്ന റെക്കോഡ്സിന് ശ്രമിക്കുന്നത്. കറുകടം വിദ്യ വികാസ് സ്കൂളിൽ രണ്ടാം ക്ലാസ് വിദ്യാർഥിനിയാണ്. ബീജു തങ്കപ്പനാണ് പരിശീലകൻ. EK KMGM 2 Juvel കായൽ നീന്താൻ തയാറെടുക്കുന്ന ജുവൽ മറിയം ബേസിൽ