അമൃതം പൊടിയില്‍ പല്ലി ചത്തുകിടക്കുന്നതായി പരാതി

ശ്രീമൂലനഗരം: പഞ്ചായത്തില്‍ നാലാം വാര്‍ഡിലെ കസ്തൂര്‍ബാ അംഗൻവാടിയില്‍ നല്‍കിയ അമൃതം പൊടിയില്‍ പല്ലി ചത്ത് കിടക്കുന്നതായി പരാതി. ശ്രീമൂലനഗരം തെറ്റാലി പെരുംപാടന്‍ അഷ്‌റഫി​ൻെറ പേരക്കുട്ടികള്‍ക്ക്​ ലഭിച്ച പൊടിയിലാണ് പല്ലിയെ കണ്ടത്. പാക്കിങ്ങില്‍ വീഴ്ച വരുത്തിയവര്‍ക്കെതിരെ ശക്തമായ നടപടി സ്വീകരിക്കണമെന്നും ഈ ബാച്ചില്‍പെട്ട പൊടികള്‍ തിരിച്ചെടുക്കാൻ നടപടി സര്‍ക്കാര്‍ സ്വീകരിക്കണമെന്നും വെല്‍ഫെയര്‍ പാര്‍ട്ടി ആവശ്യപ്പെട്ടു. ചിത്രം: ശ്രീമൂലനഗരം പഞ്ചായത്തില്‍ നാലാംവാര്‍ഡിലെ അംഗൻവാടിയില്‍ വിതരണം ചെയ്ത അമൃതം പൊടിയില്‍ ചത്ത പല്ലി