തനിച്ച്​ താമസിച്ച യുവാവ്​ മരിച്ച നിലയിൽ

പറവൂർ: വീട്ടിൽ തനിച്ച്​ താമസിച്ച യുവാവി​ൻെറ നാലു ദിവസം പഴക്കമുള്ള മൃതദേഹം കണ്ടെത്തി. ചേന്ദമംഗലം ഗോതുരുത്ത് പാത്രക്കടവിൽ ബിജുവാണ്​ (46) മരിച്ചത്. ദിവസങ്ങളായി ഇയാളെ പുറത്ത് കണ്ടിരുന്നില്ല. വീട്ടിൽ ലൈറ്റുകൾ തെളിഞ്ഞിരുന്നു. അയൽവാസികൾ അറിയിച്ചതിനെ തുടർന്നു വാർഡ് അംഗം കെ.ടി. ഗ്ലിറ്റർ പൊലീസുമായി ബന്ധപ്പെട്ടു. പൊലീസ് വാതിൽ പൊളിച്ച് അകത്തുകയറി നോക്കിയപ്പോഴാണ് കട്ടിലിൽ മൃതദേഹം കണ്ടത്​. അഴുകി തുടങ്ങിയ മൃതദേഹത്തിന് നാലുദിവസത്തോളം പഴക്കമുണ്ടെന്ന്​ പൊലീസ് പറയുന്നു. ആത്മഹത്യയാണെന്നാണ് പ്രാഥമിക നിഗമനം. മൃതദേഹം എറണാകുളം മെഡിക്കൽ കോളജിലേക്ക് മാറ്റി. ഞായറാഴ്ച പോസ്​റ്റ്​മോർട്ടം നടത്തും. ഭാര്യ: മിനി. മക്കൾ: ബെമിൻ, ആൻറണി.