കായലിൽ ചാടിയ യുവതിയുടെ മൃതദേഹം കണ്ടെത്തി

പള്ളുരുത്തി: ഇടക്കൊച്ചി കണ്ണേങ്ങാട്ട്-ഐലൻഡ്​ പാലത്തിൽനിന്ന് കായലിൽ ചാടി കാണാതായ യുവതിയുടെ മൃതദേഹം കണ്ടെത്തി. പള്ളുരുത്തി നമ്പ്യാപുരം താണിക്കപ്പറമ്പ് വീട്ടിൽ വാഹിദി​ൻെറ ഭാര്യ ആഷ്‌നയാണ്​ (23) മരിച്ചത്​. അലക്സാണ്ടർ പറമ്പിത്തറ പാലത്തിന് സമീപം കണ്ടെത്തിയ മൃതദേഹം ബന്ധുക്കൾ തിരിച്ചറിഞ്ഞു. കഴിഞ്ഞ വ്യാഴാഴ്ച വൈകീട്ട് ഏഴരയോടെയാണ് യുവതി കായലിൽ ചാടിയത്. പള്ളുരുത്തി പൊലീസും അഗ്​നിരക്ഷാസേനയും സ്കൂബ ഡൈവിങ്​ സംഘവും ചേർന്ന് തിരച്ചിൽ നടത്തിയിരുന്നു. ഫോർട്ട്കൊച്ചി കോസ്​റ്റൽ എസ്.ഐ ജോർജ് ലാൽ, ബോട്ട് കമാൻഡർ ഹാപ്പിരാജ്, ബോട്ട് ലാസ്കർ രാജേഷ്, സുജേഷ്, വാർഡൻ ശ്രീജിത്ത്‌ എന്നിവരുടെ നേതൃത്വത്തിലാണ് മൃതദേഹം കര​െക്കടുത്തത്​. ------- ചിത്രം