വിജ്ഞാൻ സാഗർ മികവ് മത്സരം

അങ്കമാലി: റിപ്പബ്ലിക് ദിനത്തോടനുബന്ധിച്ച് 'വിജ്ഞാൻ സാഗർ ഖൂബി പ്രതിയോഗിത' പേരിൽ ഹിന്ദി ഭാഷയിലെ മികവ് മത്സരം സംഘടിപ്പിച്ചു. ഏഴ്, ഒമ്പത് ക്ലാസുകളിലെ വിദ്യാർഥികൾക്കായിരുന്നു മത്സരം. കാൽ ലക്ഷത്തിലധികം കുട്ടികൾ പങ്കെടുത്തു. കേരളത്തിലെ ഹിന്ദി അധ്യാപകരുടെ സംഘടനയായ ഹിന്ദി അധ്യാപക മഞ്ചാണ് (ഹാം) മത്സരം സംഘടിപ്പിച്ചത്. എല്ലാ ജില്ലയിൽനിന്ന് ഒന്നും രണ്ടും സ്ഥാനങ്ങൾ നേടുന്ന വിദ്യാർഥികൾക്ക് കാഷ് അവാർഡുകൾ സമ്മാനിക്കും. മത്സരഫലം ചൊവ്വാഴ്ച വൈകീട്ട് 7.30 മുതൽ സംഘടനയുടെ യൂട്യൂബ് HAM KERALA യിൽ ലഭ്യമാകുമെന്ന് സംസ്ഥാന പ്രസിഡന്റ് വി. ജോസ്, ജനറൽ സെക്രട്ടറി ശിഹാബ് വേദവ്യാസ എന്നിവർ അറിയിച്ചു.