കെ.എസ്.ഇ.ബി സെക്​ഷൻ ഓഫിസ് മാറ്റി

പറവൂർ: മുനമ്പം കവലയിൽ പ്രവർത്തിക്കുന്ന കെ.എസ്.ഇ.ബി വടക്കേക്കര സെക്​ഷൻ ഓഫിസിന്‍റെ പ്രവർത്തനം തിങ്കളാഴ്ച മുതൽ ആലുംമാവിനും പറയകാട് കവലക്കും മധ്യേ രുചി ഹോട്ടലിന് പിന്നിലുള്ള കെട്ടിടത്തിലേക്ക് മാറ്റിയതായി അസിസ്റ്റന്‍റ്​ എൻജിനീയർ അറിയിച്ചു. 'ഭൂമിയുടെ തരംമാറ്റൽ: കാലതാമസം ഒഴിവാക്കണം' പറവൂർ: ഭൂമിയുടെ തരം മാറ്റുന്നതിന്​ സമർപ്പിച്ച അപേക്ഷകളിൽ ഡേറ്റ ബാങ്കിൽ ഉൾപ്പെടാത്തവ തീർപ്പുകൽപിക്കാനുള്ള കാലതാമസം ഒഴിവാക്കണമെന്ന് മുസ്​ലിം ലീഗ് പറവൂർ നിയോജക മണ്ഡലം നേതൃയോഗം ആവശ്യപ്പെട്ടു. ജില്ല ജനറൽ സെക്രട്ടറി ഹംസ പറക്കാട്ട് ഉദ്ഘാടനം ചെയ്തു. നിയോജക മണ്ഡലം പ്രസിഡന്‍റ് ടി.കെ. ഇസ്മായിൽ അധ്യക്ഷത വഹിച്ചു. ജില്ല വർക്കിങ് പ്രസിഡന്‍റ് കെ.ഇ. അബ്ദുൽ ഗഫൂർ മുഖ്യപ്രഭാഷണം നടത്തി. ഭാരവാഹികളായ പി.കെ. ജലീൽ, ടി.എം. അബ്ബാസ്, പി.എ. അഹമ്മദ് കബീർ, ഇ.എം. അബ്ദുൽ സലാം, യൂത്ത് ലീഗ് ജില്ല ജനറൽ സെക്രട്ടറി അബ്ദുൽ ജലീൽ എന്നിവർ സംസാരിച്ചു.