ബൈക്കിലെത്തി മാല കവർന്നു

കോതമംഗലം: ബൈക്കിലെത്തിയയാൾ വീട്ടമ്മയുടെ കഴുത്തിൽനിന്ന് സ്വർണമാല പൊട്ടിച്ചുകടന്നു. നെല്ലിക്കുഴി ഇടനാട് കാരുക്കൽ ശാന്തയുടെ ഒന്നേകാൽ പവൻ മാലയാണ് പൊട്ടിച്ചെടുത്തത്. ഭണ്ഡാരപ്പടിയിലുള്ള ഇവരുടെ കടയിൽ ചൊവ്വാഴ്ച ഉച്ചക്കാണ് സംഭവം. ശാന്തയുടെ മകൻ സുധീഷ് ഉച്ചക്ക്​ വീട്ടിൽ പോകുമ്പോൾ ശാന്തയാണ്​ കടയിലുണ്ടാകുന്നത്. ഒരാഴ്ചയായി ഈ സമയം ബൈക്കിലെത്തി സാധനങ്ങൾ വാങ്ങി സ്ഥലവും സാഹചര്യവും നിരീക്ഷിച്ചശേഷമാണ് മാല തട്ടിയെടുത്തത്. ഹെൽമറ്റ് ധരിച്ചാണ്​ ഇയാൾ മാല പൊട്ടിക്കാനെത്തിയത്.