വർക്​ഷോപ്പിൽ മോഷണം: രണ്ടുപേർ പിടിയിൽ

തൃപ്പൂണിത്തുറ: വർക്​ഷോപ്പിൽനിന്ന് നാലായിരത്തിലധികം രൂപയുടെ ടൂൾകിറ്റ് മോഷണം നടത്തിയ പ്രതികളെ പൊലീസ് അറസ്റ്റ് ചെയ്തു. എരൂർ സ്വദേശികളായ മാപ്പിള കണ്ടത്തിൽ രജീഷ് ( 24 ), അട്ടശ്ശേരി സഞ്ജയ് (24), എന്നിവരെയാണ് ഹിൽപാലസ് സി.ഐ കെ.ജി. അനീഷിന്റെ നേതൃത്വത്തിൽ അറസ്റ്റ് ചെയ്തത്. ഇവർ മോഷണം, പോക്സോ തുടങ്ങിയ കേസുകളിൽ പ്രതികളാണ്. എരൂരിലെ വർക്​ഷോപ്പിൽ ഞായറാഴ്ചയാണ്​ മോഷണം നടന്നത്​. സി.സി ടി.വി ദൃശ്യങ്ങൾ പരിശോധിച്ചാണ്​ പ്രതികളെ തിരിച്ചറിഞ്ഞത്.