സൗജന്യ കോവിഡ് വാക്‌സിനേഷന്‍ ക്യാമ്പ്

മരട്: വി.പി.എസ് ലേക്​ഷോര്‍ ആശുപത്രിയില്‍ സൗജന്യ കോവിഡ് വാക്‌സിനേഷന്‍ ക്യാമ്പിന് തുടക്കമായി. ഈമാസം 24ന് ആരംഭിച്ച് മാര്‍ച്ച് അഞ്ചുവരെ നീളുന്ന ക്യാമ്പിലൂടെ കോവിഷീല്‍ഡ് വാക്‌സിനാണ് വിതരണം ചെയ്യുന്നത്. മുന്‍കൂട്ടി ബുക്ക് ചെയ്ത് ഹോസ്പിറ്റലിലെത്തി വാക്‌സിനെടുക്കാം. കോവിഡ് മുന്‍നിര പോരാളികള്‍ക്കും ബൂസ്റ്റര്‍ ഡോസ് വാക്‌സിനേഷനായും രജിസ്റ്റര്‍ ചെയ്യാം. ബുക്കിങ്ങിന് 0484 2772073, 18003138775 നമ്പറില്‍ ബന്ധപ്പെടണം.