കാറിടിച്ച് അജ്ഞാതൻ മരിച്ചു

കോട്ടയം: കുമരകം കണ്ണാടിച്ചാലില്‍ കാറിടിച്ച് അജ്ഞാതനായ കാല്‍നടക്കാരന്‍ മരിച്ചു. ബുധനാഴ്ച രാത്രി കണ്ണാടിച്ചാല്‍ ജങ്ഷന്​ സമീപമായിരുന്നു അപകടം. 50 വയസ്സ്​ തോന്നിക്കുന്ന പുരുഷനാണ്​ മരിച്ചത്. വഴിയിലൂടെ നടന്നുപോകുകയായിരുന്ന ഇയാളെ കാറിടിച്ച് വീഴ്​ത്തുകയായിരുന്നു. ഉടന്‍ കോട്ടയം ജനറല്‍ ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല. കുമരകം പൊലീസ് കേസെടുത്തു.