ദീപുവിന്റെ വീട്​ കെ. സുരേന്ദ്രൻ സന്ദർശിച്ചു

കിഴക്കമ്പലം: കേരളത്തിലെ പട്ടികജാതി പീഡനങ്ങൾ ഓരോ ദിവസവും വർധിച്ചുവരുകയാണെന്നും പട്ടികജാതി കുടുംബങ്ങൾക്ക് കേരളത്തിൽ നീതി നിഷേധിക്കുകയാണെന്നും അതിനാൽ ദീപുവിന്റെ മരണം ദേശീയ പട്ടികജാതി കമീഷന്‍റെ ശ്രദ്ധയിൽപെടുത്തുമെന്നും ബി.ജെ.പി സംസ്ഥാന പ്രസിഡന്‍റ്​ കെ. സുരേന്ദ്രൻ പറഞ്ഞു. കിഴക്കമ്പലത്ത് സി.പി.എം പ്രവർത്തകരുടെ മർദനത്തെത്തുടർന്ന് ചികിത്സയിലിരിക്കെ മരിച്ച ദീപുവിന്‍റെ വീട് സന്ദർശിച്ച ശേഷം സംസാരിക്കുകയായിരുന്നു അദ്ദേഹം. കേരളത്തിലെ പട്ടികജാതി കമീഷൻ ദീപുവിനെ വീട് സന്ദർശിക്കാത്തത് സി.പി.എം ഇടപെടൽ മൂലമാണ്. ജില്ല പ്രസിഡന്‍റ്​ എസ്. ജയകൃഷ്ണൻ, സംസ്ഥാന വൈസ് പ്രസിഡന്‍റ്​ രാധാകൃഷ്ണ മേനോൻ തുടങ്ങിയവരും സുരേന്ദ്രനൊപ്പം ഉണ്ടായിരുന്നു.