വിദ്യാർഥികളുടെ സുരക്ഷിതത്വം ഉറപ്പാക്കണം -ഹൈബി ഈഡൻ എം.പി

കൊച്ചി: യുദ്ധത്തെതുടർന്ന് യുക്രെയ്​നിൽ അകപ്പെട്ട മലയാളി വിദ്യാർഥികളുടെ സുരക്ഷിതത്വം ഉറപ്പാക്കണമെന്നാവശ്യപ്പെട്ട് ഹൈബി ഈഡൻ എം.പി വിദേശ മന്ത്രാലയത്തിനും യുക്രെയ്​നിലെ ഇന്ത്യൻ എംബസിക്കും കത്ത് നൽകി. നിരവധി പേരാണ് വിദ്യാഭ്യാസത്തിന്​ കേരളത്തിൽനിന്ന്​ യുക്രെയ്​നിൽ ഉള്ളത്. അവരുടെ രക്ഷിതാക്കളെല്ലാം വലിയ ആശങ്കയിലാണെന്ന് ഹൈബി ഈഡൻ എം.പി പറഞ്ഞു. എറണാകുളം പാർലമെന്റ് മണ്ഡലത്തിൽനിന്ന്​ യുക്രെയ്​നിൽ ഉള്ളവരുമായി ബന്ധപ്പെട്ട വിഷയങ്ങൾ ഇന്ത്യൻ എംബസിയെ അറിയിക്കാൻ അവരുടെ വിശദാംശങ്ങൾ 9447001234 എന്ന തന്റെ ഓഫിസ് നമ്പറിലേക്ക് വാട്​സ്​ആപ് സന്ദേശം അയക്കണമെന്ന്​ എം.പി അറിയിച്ചു.