സ്‌കോഡ ഡെക്കാൻ ബീറ്റ്‌സിന് തുടക്കം

കൊച്ചി: വളര്‍ന്നുവരുന്ന സംഗീതപ്രതിഭകള്‍ക്ക്​ സ്‌കോഡ ഓട്ടോ ഇന്ത്യ ഒരുക്കുന്ന സ്‌കോഡ ഡെക്കാന്‍ ബീറ്റ്‌സിന് തുടക്കമായി. അഞ്ച്​ ദക്ഷിണേന്ത്യന്‍ സംസ്ഥാനത്തുനിന്നുള്ള സംഗീതപ്രതിഭകളെ പ്രോത്സാഹിപ്പിക്കുകയെന്ന ലക്ഷ്യത്തോടെയാണ് മലയാളം, കന്നഡ, തമിഴ്, തെലുങ്ക് സംഗീതത്തിന്റെ ആസ്വാദനമികവ് കൂട്ടുന്ന സംഗീത കാമ്പയിന്‍ അവതരിപ്പിക്കുന്നത്. ടാലന്റ് ഹണ്ട്, ഓണ്‍റോഡ്, ഗാരേജ് സീരീസ് എന്നിങ്ങനെ വ്യത്യസ്തഘട്ടങ്ങളിലായി സംഘടിപ്പിക്കുന്ന സീരീസില്‍ ഈ സംസ്ഥാനങ്ങളില്‍നിന്നുള്ള 16 യുവപ്രതിഭകളെ അവതരിപ്പിക്കും. സിതാര കൃഷ്ണകുമാര്‍ (മലയാളം), ആന്‍ഡ്രിയ ജെര്‍മിയ (തമിഴ്), ഗീത മാധുരി (തെലുങ്ക്), രഘു ദീക്ഷിത്ത്​ (കന്നഡ) തുടങ്ങിയവർ പ്രതിഭകള്‍ക്ക് മാര്‍ഗനിര്‍ദേശം നല്‍കും.