പോക്‌സോ കേസിലെ പ്രതി പിടിയിൽ

നെടുമ്പാശ്ശേരി: വിദേശത്തുനിന്ന് മടങ്ങിയെത്തിയ പോക്സോ കേസ്​ പ്രതി ഇമിഗ്രേഷൻ വിഭാഗത്തിന്‍റെ പിടിയിലായി. തിരുവനന്തപുരം കല്ലുവിള തോട്ടിൻകര പുത്തൻവീട്ടിൽ അജിംഷാ സലിമാണ്​ (24) പിടിയിലായത്. ജനുവരി അഞ്ചിന്​ കിളിമാനൂർ പൊലീസ് രജിസ്റ്റർ ചെയ്ത കേസിലെ പ്രതിയാണ്. സംഭവത്തിന്​ ശേഷം ഷാർജയിലേക്ക് മുങ്ങി. ഇൻഡിഗോ വിമാനത്തിൽ മടങ്ങി വന്നപ്പോഴാണ് പിടിയിലായത്. തിരുവനന്തപുരം റൂറൽ ജില്ല പൊലീസ് മേധാവി ഇതുസംബന്ധിച്ച് തിരച്ചിൽ നോട്ടീസ് വിമാനത്താവളങ്ങളിൽ നൽകിയിരുന്നു.