ജാമ്യം നേടിയശേഷം വീണ്ടും കുറ്റകൃത്യം; ഏഴുപേരുടെ ജാമ്യം റദ്ദാക്കി

ആലുവ: ജാമ്യം നേടിയശേഷം വീണ്ടും കുറ്റകൃത്യങ്ങളിലേർപ്പെട്ട ഏഴ് കുറ്റവാളികളുടെ ജാമ്യം റദ്ദാക്കി റൂറല്‍ പൊലീസ്. അതിനുപുറമെ നിരന്തരം കുറ്റകൃത്യങ്ങളിലേർപ്പെടുന്ന മറ്റ് 64 പേരുടെ ജാമ്യം റദ്ദാക്കുന്നതിനുള്ള റിപ്പോര്‍ട്ട് നൽകി. പോക്സോ കേസ്​ പ്രതി പള്ളിപ്പുറം കാവാലംകുഴി വീട്ടിൽ ആന്‍റണി പീറ്റർ (54), യുവാവിനെ തട്ടിക്കൊണ്ടുപോയ കേസിലെ പ്രതി മാറമ്പള്ളി എള്ളുവാരം വീട്ടിൽ അൻസാർ (31), വാഹന മോഷണ കേസ്​ പ്രതി വടക്കേക്കര ചിറ്റുട്ടുകര മലയിൽ വീട്ടിൽ ആരോമൽ (21), മോഷണക്കേസുകളിലെ പ്രതി കോതമംഗലം നെല്ലിക്കുഴി പാറയിൽ വീട്ടിൽ അൻസിൽ (28), വധശ്രമ കേസിലെ പ്രതികളായ കൊമ്പനാട് കാരിയേലി മനംകുഴി വീട്ടിൽ ലാലു (27), കളമശ്ശേരി മൂലേപ്പാടം റോഡിൽ ടി.വി.എസ് ജങ്​ഷന് സമീപം തിണ്ടിക്കൽ വീട്ടിൽ ഷെഫിൻ (24), പറവൂർ പെരുംപടന്ന ചക്കത്തറ വീട്ടിൽ രാഹുൽ (കണ്ണൻ -24) എന്നിവരുടെ ജാമ്യമാണ് റദ്ദ് ചെയ്തത്.