മതനിരാസവും ലിബറലിസവും ആപത്ത് -സമസ്ത

കളമശ്ശേരി: കുത്തഴിഞ്ഞ ലൈംഗിക അരാജകത്വത്തിന്റെ ഭാഗമായ ലിബറലിസം സമൂഹത്തിൽ ആപത്താണെന്ന് സമസ്ത കേരള ജംഇയ്യതുൽ ഉലമ അഖീദ പണ്ഡിത ക്യാമ്പ്​. ഇന്ത്യൻ ഭരണഘടന നൽകുന്ന വ്യക്തി സ്വാതന്ത്ര്യത്തെ ഹനിക്കുന്ന ചില തൽപരകക്ഷികളുടെ നീക്കത്തിൽ ഉൽകണ്ഠാജനകമാണ്​. കർണാടകയിൽ നടന്ന ഹിജാബ് വിവാദം ഇതിന്റെ ഭാഗമാണ്. രാഷ്ട്രീയ നേതൃത്വം അനാവശ്യമായി മത വിഷയങ്ങളിൽ ഇടപെടുന്നത് ശരിയല്ല. ഇബ്രാഹീം സഖാഫി പുഴക്കാട്ടിരി, എം.പി. അബ്ദുൽ ജബ്ബാർ സഖാഫി പേഴക്കാപ്പിള്ളി, ഒ.കെ. അബ്ദുൽ ഹകീം മുസ്​ലിയാർ, സി.ടി. ഹാഷിം തങ്ങൾ, വി.എച്ച്. അലി ദാരിമി, കെ.കെ. അബ്ദുൽ റഹ്മാൻ മുസ്​ലിയാർ, ഫിറോസ് അഹ്സനി, അബ്ബാസ് സഖാഫി നൊച്ചിമ, അബ്ദുൽകരീം മളാഹിരി, ജമാലുദ്ദീൻ മുസ്​ലിയാർ മാഞ്ഞാലി, ഇ.ബി. അബ്ദുറഹ്​മാൻ സഖാഫി എന്നിവർ ചർച്ചകൾക്ക് നേതൃത്വം നൽകി. സമസ്ത ജില്ല ജനറൽ സെക്രട്ടറി വി.എ. അബദുൽ ഹമീദ് സഖാഫി സ്വാഗതവും സെക്രട്ടറി ഇ.എം. ജലാലുദ്ദീൻ അഹ്സനി നന്ദിയും പറഞ്ഞു.