മാറാടി കുടുംബശ്രീക്ക് ഇനി ഫുട്ബാൾ ടീമും

മൂവാറ്റുപുഴ: മാറാടി പഞ്ചായത്ത് കുടുംബശ്രീ സി.ഡി.എസിന്​ കീഴിൽ പ്രവർത്തിക്കുന്ന ബാലസഭകളിൽനിന്ന്​ തെരഞ്ഞെടുക്കപ്പെട്ട 10 ആൺകുട്ടികളെയും 10 പെൺകുട്ടിക​ളെയും ഉൾപ്പെടുത്തി ഫുട്ബാൾ ടീം രൂപവത്​കരിച്ചു. പരിശീലനം മാറാടി പഞ്ചായത്ത് പ്രസിഡന്‍റ്​ ഒ.പി. ബേബി ഉദ്​ഘാടനം ചെയ്തു. സി.ഡി.എസ് ചെയർപേഴ്സൻ ഹേമ സനൽ അധ്യക്ഷത വഹിച്ചു. ആരോഗ്യ വിദ്യാഭ്യാസ സ്ഥിരം സമിതി ചെയർമാൻ ബിജു കുര്യാക്കോസ്, വാർഡ്​ മെംബർമാരായ ഷൈനി മുരളി, സിജി ഷാമോൻ, പരിശീലകൻ ജിതിൻ വിൽസൺ, സി.ഡി.എസ് അംഗങ്ങൾ എന്നിവർ പങ്കെടുത്തു. ഫുട്ബാൾ ടീമി‍ൻെറ പരിശീലനം പഞ്ചായത്ത് പ്രസിഡന്‍റ്​ ഒ.പി ബേബി ഉദ്​ഘാടനം ചെയ്യുന്നു EM Mvpa 1 Maradi