ദുഷിച്ച രാഷ്ട്രീയം തിരിച്ചറിയുന്ന ഹൃദയത്തിന്​ ഉടമകളിലാണ് പ്രതീക്ഷ -സുരേഷ് ഗോപി

കൊച്ചി: ദുഷിച്ച രാഷ്ട്രീയം തിരിച്ചറിയുന്ന ഹൃദയത്തിനു ഉടമകളിലാണ് പ്രതീക്ഷയെന്ന് മുൻ എം.പിയും നടനുമായി സുരേഷ് ഗോപി പറഞ്ഞു. വിശ്വഹിന്ദു പരിഷത്തിന്റെ സ്വഭിമാൻ നിധി പദ്ധതി എറണാകുളം ബി.ടി.എച്ചിൽ ഉദ്ഘാടനം ചെയ്യുകയായിരുന്നു അദ്ദേഹം. അനിവാര്യത എവിടെയെന്ന് കണ്ടെത്തിയാൽ വിശ്വഹിന്ദു പരിഷത്തിന്റെ ലക്ഷ്യം പൂർത്തിയാക്കാനാകുമെന്ന് അദ്ദേഹം പറഞ്ഞു. ചടങ്ങിൽ വിശ്വഹിന്ദു പരിഷത്ത് സംസ്ഥാന പ്രസിഡന്റ് വിജി തമ്പി അധ്യക്ഷത വഹിച്ചു. റിട്ട. ജസ്റ്റിസ് തോട്ടത്തിൽ ബി. രാധാകൃഷ്ണൻ, വിശ്വഹിന്ദു പരിഷത്ത് സംസ്ഥാന സെക്രട്ടറി വി.ആർ. രാജശേഖരൻ, സിനിമ നിർമാതാവ് ജി. സുരേഷ് കുമാർ, ഡോ. എൻ. ഗോപാലകൃഷ്ണൻ എന്നിവർ പങ്കെടുത്തു. നിർധന കുടുംബത്തിന് ഭവനവും നിരാലംബരായ യുവതികളുടെ വിവാഹത്തിനുള്ള സഹായവുമാണ് പദ്ധതിയിലൂടെ ലക്ഷ്യമിടുന്നത്.