അരനൂറ്റാണ്ടിനുശേഷം സഹപാഠികൾ ഒത്തുകൂടി

ഫോർട്ട്​കൊച്ചി: സാന്താക്രൂസ് ഹൈസ്കൂളിൽനിന്ന് അരനൂറ്റാണ്ടുമുമ്പ് പഠിച്ചിറങ്ങിയ പൂർവവിദ്യാർഥികൾ ഒരിക്കൽ കൂടി വിദ്യാലയമുറ്റത്തെത്തി. കായിക അധ്യാപകനായിരുന്ന ജോയി പഴയകാല ഓർമകൾ പങ്കുവെച്ച് പൂർവവിദ്യാർഥികൾക്ക് കായിക പരിശീലനം നൽകി. പ്രായാധിക്യം വകവെക്കാതെ വിദ്യാർഥികൾ അധ്യാപകന്‍റെ നിർദേശങ്ങൾ പാലിച്ച് അൽപനേരം യൗവനത്തിലേക്ക് മടങ്ങി. സാന്താക്രൂസ് അലുമ്​നി അസോസിയേഷനാണ് സംഗമം സംഘടിപ്പിച്ചത്. ഫാ. ഫെലിക്സ് അധ്യക്ഷത വഹിച്ചു. പ്രിൻസിപ്പൽ വിധു ജോയി, പ്രധാനാധ്യാപിക മിനി, ആന്‍റണി എന്നിവർ സംസാരിച്ചു. ചിത്രം: അരനൂറ്റാണ്ടിനുശേഷം വിദ്യാലയ മുറ്റത്തെത്തിയ സഹപാഠികൾ