ബൈക്കിൽ കാറിടിച്ച്​ യുവതി മരിച്ചു

ചേർത്തല: ഭർത്താവിനൊപ്പം ബൈക്കിൽ സഞ്ചരിക്കവെ കാറിടിച്ച് യുവതി മരിച്ചു. ഒപ്പമുണ്ടായിരുന്ന മകന് പരിക്കേറ്റു. പള്ളിത്തോട് ചേലേകാട്ട് പ്രിനീഷിന്റെ ഭാര്യ ത്രേസ്യാമ്മയാണ് (ബിനു -40) മരിച്ചത്. ഞായറാഴ്ച രാത്രി ചേർത്തല വേളോർവട്ടം ക്ഷേത്രത്തിനുസമീപമായിരുന്നു അപകടം. മകൻ റെയാലിനെ (നാല്​) കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചു. പ്രിനീഷിനും പരിക്കുണ്ട്. പള്ളിത്തോട്ടിൽനിന്ന്​ ചേർത്തലക്ക്​ വരുകയായിരുന്ന ഇവരുടെ ബൈക്കിൽ എതിർദിശയിൽനിന്ന്​ എത്തിയ കാർ ഇടിക്കുകയായിരുന്നെന്ന്​ പൊലീസ് പറഞ്ഞു. റോഡിൽ വീണ് തലക്ക്​ ഗുരുതര പരിക്കേറ്റ ത്രേസ്യാമ്മ തൽക്ഷണം മരിച്ചു. മകൾ: ലെന.