ലഡാക്കിലേക്ക് റൈഡുമായി യുവാവ്

കോതമംഗലം: ലഡാക്കിലേക്ക് സോളോ റൈഡുമായി യുവാവ്. നെല്ലിക്കുഴി നടുക്കുടി എൻ.എച്ച്. മുഹമ്മദിന്‍റെയും ആബിദയുടെയും മകൻ എൻ.എം. സിദ്ദീഖാണ്​ (33) ബുധനാഴ്ച വൈകീട്ട് ആറിന് നെല്ലിക്കുഴിയിൽനിന്ന് ബൈക്കിൽ പുറപ്പെടുന്നത്. ഹെൽത്ത് ഇൻസ്പെക്ടർ കോഴ്സിൽ ഡിപ്ലോമ നേടിയ ശേഷം നെല്ലിക്കുഴിയിലെ ഫർണിച്ചർ മേഖലയിൽ ചെറുകിട വ്യാപാരിയായി പ്രവർത്തിച്ചുവരുകയാണ്.പൊള്ളാച്ചി, വാൽപാറ, കൊടൈക്കനാൽ തുടങ്ങിയ സ്ഥലങ്ങളിലേക്ക് നടത്തിയ യാത്രകളാണ് ലഡാക് യാത്രക്ക് പ്രചോദനം. വ്യാപാരത്തിൽനിന്ന് ലഭിക്കുന്നത്​ സ്വരൂപിച്ചുകൂട്ടിയാണ്​ യാത്രക്ക് തയാറെടുത്തത്. 40 ദിവസം നീളുന്ന യാത്ര നെല്ലിക്കുഴി പഞ്ചായത്ത് പ്രസിഡന്‍റ്​ പി.എം. മജീദ് ഫ്ലാഗ് ഓഫ് ചെയ്യും.