നാടെങ്ങും പെരുന്നാൾ ആഘോഷിച്ചു

കരുമാല്ലൂർ: മാഞ്ഞാലി മഹല്ല് മദ്​റസ ഗ്രൗണ്ടിൽ നടന്ന ഈദ്ഗാഹിൽ നമസ്കാരത്തിനും ഖുത്തുബക്കും ഖതീബ് ടി.കെ. ഹസൻ മൗലവി നേതൃത്വം നൽകി. പാറാന ജങ്​ഷൻ ഗ്രൗണ്ടിൽ നടന്ന നമസ്കാരത്തിന് നിയാസ് സ്വലാഹി നേതൃത്വം നൽകി. വെസ്റ്റ് വെളിയത്തുനാട് അൽ ഹിദായ മസ്ജിദിൽ നടന്ന ഉമ്മർ ഫാറൂഖ് മുസ്​ലിയാർ പെരുന്നാൾ നമസ്കാരത്തിന് നേതൃത്വം നൽകി. നീറിക്കോട് ജുമാമസ്ജിദിൽ മുഹമ്മദ് നസീർ സഅദിയും വെസ്റ്റ് വെളിയത്തുനാട് ജുമാമസ്ജിദിൽ ഇമാം ഇസ്മായിൽ ഹസനിയും ആലങ്ങാട് ജുമാമസ്ജിദിൽ അൻവർ സാദത്ത് കൗസരിയും കരിങ്ങാംതുരുത്ത് ജുമാമസ്ജിദിൽ കെ.കെ. അബ്ദുൽ അസീസും തട്ടാമ്പടി-പുതുക്കാട് നൂറുൽ ഈമാൻ ജുമാമസ്ജിദിൽ അബ്ദുൽ മജീദ് ബാഖവിയും തത്തപ്പിള്ളി കാട്ടുനെല്ലൂർ ജുമാമസ്ജിദിൽ ഇമാം അഷറഫ് സഖാഫിയും നേതൃത്വം നൽകി.