പെരുന്നാൾ കൊടിയേറി

കിഴക്കമ്പലം: താമരച്ചാല്‍ വി. മര്‍ത്തമറിയം യാക്കോബായ വലിയ പള്ളിയില്‍ മാര്‍ ഗീവര്‍ഗീസ് സഹദയുടെയും മറ്റു പരിശുദ്ധന്മാരുടെയും ഓര്‍മപ്പെരുന്നാളിന്​ ഫാ. ബേബി ജോണ്‍ കോർഎപ്പിസ്​കോപ്പ കൊടി ഉയര്‍ത്തി. സഹവികാരി ഫാ. ഏലിയാസ് പി. ജോര്‍ജ്, ഫാ. സനു മാത്യ, ട്രസ്റ്റിമാരായ സാബു വര്‍ഗീസ്, വര്‍ഗീസ് ഐസക്​ എന്നിവര്‍ സംബന്ധിച്ചു. വൈകീട്ട് സന്ധ്യപ്രാര്‍ഥനയും ഭക്ത സംഘടനകളുടെയും സെന്‍റ്​ മേരീസ് സൺഡേ സ്കൂളിന്റെയും വാര്‍ഷികവും നടത്തി. വികാരി ബേബി ജോണ്‍ കോർഎപ്പിസ്​കോപ്പ ഉദ്ഘാടനം ചെയ്തു. ഫാ. ഏലിയാസ് പി. ജോര്‍ജ് അധ്യക്ഷത വഹിച്ചു. പരീക്ഷ കണ്‍ട്രോളര്‍ എം.കെ. വര്‍ഗീസ് സംസാരിച്ചു. വെള്ളിയാഴ്ച രാവിലെ 8.30 പെരുന്നാള്‍ കുർബാന, തുടര്‍ന്ന്​ പ്രദക്ഷിണം, 12 ന് നേര്‍ച്ചസദ്യ.