ബസിടിച്ച്​ ബൈക്ക്​യാത്രികൻ മരിച്ചു

EKD Sinoj 39 TPRA സിനോജ് (പടം) തൃപ്പൂണിത്തുറ: സ്വകാര്യ ബസിടിച്ച്​ ബൈക്ക്​ യാത്രികനായ യുവാവ് മരിച്ചു. വൈക്കം ചെമ്മനത്തുകര വാഴപ്പറമ്പില്‍ ശിവന്റെ മകന്‍ സിനോജാണ്​ (39) മരിച്ചത്. ഷിപ്​യാര്‍ഡ് ജീവനക്കാരനാണ്. ഉദയംപേരൂര്‍ കണ്ടനാട് കവലക്കടുത്ത് വ്യാഴാഴ്ച രാവിലെ 9.50 ഓടെയാണ് അപകടം. ഗുരുതരമായി പരിക്കേറ്റ സിനോജിനെ തൃപ്പൂണിത്തുറയിലെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല. ഉദയംപേരൂര്‍ പൊലീസ് കേസെടുത്തു. തൃപ്പൂണിത്തുറ താലൂക്കാശുപത്രി മോര്‍ച്ചറിയിൽ സൂക്ഷിച്ചിരിക്കുന്ന മൃതദേഹം പോസ്റ്റ്‌മോര്‍ട്ടത്തിനുശേഷം ബന്ധുക്കള്‍ക്ക് വിട്ടുനല്‍കും. സംസ്‌കാരം വെള്ളിയാഴ്ച ഉച്ചക്ക്​ ശേഷം വീട്ടുവളപ്പില്‍. ഭാര്യ: ബോബിന. മകന്‍: അദ്വൈത്.