ലോകം ശ്രീശങ്കരനെ ആരാധിക്കുമ്പോള്‍ കേരളം മറക്കുന്നു

കാലടി: ലോകം ശ്രീശങ്കരനെ ആരാധിക്കുമ്പോള്‍ ജന്മനാടായ കേരളം ശങ്കരനെ മറക്കുകയാണെന്നും ശ്രീശങ്കരമന്ത്രം കൊണ്ടുമാത്രമേ ഇന്ന് സമൂഹത്തെ ബാധിച്ച വിഷത്തെ ഉന്മൂലനം ചെയ്യാന്‍ സാധിക്കൂവെന്നും പൈതൃകരത്നം ഡോ. കെ. ഉണ്ണികൃഷ്ണന്‍ പറഞ്ഞു. ശ്രീശങ്കര ജയന്തി മഹോത്സവ ഭാഗമായി ആദിശങ്കര ജന്മദേശ വികസനസമിതി കാലടിയില്‍ സംഘടിപ്പിച്ച ശ്രീശങ്കരോത്സവത്തില്‍ ആധ്യാത്മിക പ്രഭാഷണം നടത്തുകയായിരുന്നു അദ്ദേഹം. ചടങ്ങില്‍ ആഘോഷസമിതി സംഘാടകരായ എസ്. വിജയന്‍, ഡോ. കൃഷ്ണന്‍ നമ്പൂതിരി തുടങ്ങിയവര്‍ പങ്കെടുത്തു.