കോലഞ്ചേരിയിൽ സ്പോർട്സ് സെന്‍റർ ഉദ്ഘാടനം ഇന്ന്​

കോലഞ്ചേരി: സെന്‍റ്​ പീറ്റേഴ്സ് സ്കൂളിൽ നിർമിച്ച സ്പോർട്സ് സെന്‍ററിന്‍റെയും ഓൾ കേരള സബ് ജൂനിയർ ബാഡ്മിന്‍റൺ ടൂർണമെന്‍റിന്‍റെയും ഉദ്ഘാടനം വെള്ളിയാഴ്ച നടക്കും. വൈകീട്ട് അഞ്ചിന് സ്പീക്കർ എം.ബി. രാജേഷ് ഉദ്ഘാടനം നിർവഹിക്കും. പി.വി. ശ്രീനിജിൻ എം.എൽ.എ അധ്യക്ഷത വഹിക്കും. കടയിരിപ്പ് പ്ലാന്‍റ്​ ലിപിഡ്സ് കമ്പനി അഞ്ചുകോടി ചെലവഴിച്ചാണ് അന്തർദേശീയ നിലവാരത്തിൽ സ്പോർട്സ് സെന്‍റർ നിർമിച്ചിരിക്കുന്നത്. പൂർണമായും ശീതീകരിച്ച സെന്‍ററിൽ നാല്​ വുഡൻ ഷട്ടിൽ കോർട്ടാണുള്ളത്. ഉദ്ഘാടനത്തോടനുബന്ധിച്ച് ഏഴുമുതൽ 13 വരെ നടക്കുന്ന ടൂർണമെന്‍റിൽ മൂന്ന്​ വിഭാഗത്തിലായി 1300 മത്സരാർഥികൾ മാറ്റുരക്കും. ജില്ല ബാഡ്മിന്‍റൺ (ഷട്ടിൽ) അസോസിയേഷനാണ് സംഘാടകർ. സ്കൂൾ മാനേജർ മാത്യു പി. പോൾ, ബെന്നി നെല്ലിക്കാമുറി, ബാബു പി. പോൾ, പ്രവീൺ തോമസ് എന്നിവർ വാർത്തസമ്മേളനത്തിൽ പങ്കെടുത്തു. ഫോട്ടോ അടിക്കുറിപ്പ്: കോലഞ്ചേരിയിൽ നിർമിച്ച സ്പോർട്സ് സെന്‍റർ